ԻՆՉՊԵՍ ԴԻՏԱՐԿԵԼ
Ինչպես լուսանկարելու ժամանակ, դիտարկման համար
նույնպես պետք է տաք հագնվել և զինվել համբերությամբ:
Նախ խորհուրդ կտայինք
ծանոթանալ թռչուններին` օգտվելով ուղեցույցի մեջ թվարկված թռչունների ցանկից և
համապատասխան նկարներից:
Վերցրեք թուղթ և գրիչ և սկսեք գրանցել բոլոր այն
թռչուններին, որոնք այցելում են Ձեր պատրաստած կերամանը` նկարագրելով նրանց և նրանց
վարքը ամենայն մանրամասնությամբ և նշելով ժամը: Չմոռանաք նշել, թե ինչ կերաման եք
պատրաստել, և թե ինչ է լցված այնտեղ:
Ստորև ներկայացնում ենք դիտարկման մի
օրինակ: Բայց հիշեք, որ Ձերը կարող է լինել ամենալավը.
26.02.2006թ.
Պատրաստել եմ կտաման – տաղավար:
Կտամանի մեջ լցված է ցորեն, հացի
փշուրներ
10:00 -Դիտարկման սկիզբ:
10:10 -Առջևի ծառի վրա սկսեցին հավաքվել
ճնճղուկները: Սկզբում նրանց թիվը տասն էր:
10:20- Ճնճղուկների թիվը դարձավ
քսան:
10:30 - Մի ճնճղուկ համարձակվեց մոտենալ, ցորեն ու հացի փշուրներ
կտցահարեց և մի քանի վայրկյան հետո հեռացավ:
10:35 - Մոտեցան տասը ճնճղուկ:
Կտցահարեցին ցորենը և հացի փշուրները: Մինչև 11:15 նույն ճնճղուկները մոտենում էին
կտամանին, կտցահարում ցորենը, հացի փշուրները և հեռանում, նստում ծառի վրա:
11:20-Մոտեցավ մի շատ գեղեցիկ, պարանոցին սև և շագանակագույն օղակ ունեցող
տատրակ: Ծանոթանալով կտամանի տարողությանը` կտցահարեց ցորենը և քսան րոպեից
հեռացավ:
11:50 Դիտարկումն ավարտված է: